الرئيسية
من طرف ماأمداك تنساني .. ولا أمداني أنساك
ماغبت عنـك ألاّ .. ثلاثـة ليالـي
وإن قلت لي يمديك .. والله ما أمداك
مسرعـك تجفانـي وتبعـد مجالـي
ثلاث .. مرّني بذكـرك وطريـاك
وحطّن طيوفك بين فكـري وبالـي
جمعت فيها الشوق وأرسلته وجـاك
وعرضّت مرسولي هبوب الشمالـي
وقامت تسوق الشوق منـاّ ومنّـاك
من سبّتك واللي جراله .. جرالـي
أتلا العهد بك .. يوم صافحت يمناك
وحلّفتني ما أقطع حبـال الوصالـي
وأنا على حلفك وعرفك ومعنـاك
وأثرك علـى ماقيـل .. ياهمّلالـي
رحت أتخيّـل نـور طلّـة محيّـاك
وأرسم وأبروز صورتك في خيالـي
سلبتني عقلـي وأنـا وافـي إدراك
تقول مالـي راس .. يـاراس مالـي
تبّت يدين الشـك جابـك وودّاك
وخلاّك تتركنـي وحيـدٍ لحالـي
مازان فالك .. لين شانـت نوايـاك
وإن قمت أزيّن نيتـي شـان فالـي
مدري غشاك الكبر يوم إني أهـواك
وألاّ موافق لـك حبيـبٍ بدالـي
اللي على لساني وصلـك وتعـداك
واللي في صدري كلمـة ٍماتقالـي
أزايم اللوعـات وأقـول تفـداك
يا كثر ما شالت قلـوب الرجالـي
الله يساعدني علـى طـيّ ذكـراك
ياللـي تراودنـي علـى ماطرالـي
سويّت ( قرعه ) بين وصلك وفرقاك
ورست على فرقاك وألاّ أنت غالـي
